Компанияңызды өнүктүрүү үчүн жогорку сапаттагы бизнес-консалтинг кызматтарын PEAK субсидиясы менен пайдалана аласыз!
2020-жылдын октябрь айынан баштап, PEAK Ишкердикди жана инновацияларды өнүктүрүү программасы стартаптар жана микро, кичи жана орто ишканалар үчүн бизнес-консалтинг кызматтардын баасын 75-85% пайызга чейин жаба турган субсидия системасын киргизди. Бул кызматтардын жардамы менен Сиз жаңы рынокторго чыгуу, инновациялык өнүмдөрдү иштеп чыгуу жана рыноктогу учурдагы үлүшүңүздү кеңейтүү үчүн бизнесиңиздин натыйжалуулугун жана атаандаштыкка жөндөмдүүлүгүн өркүндөтүп, натыйжада кирешеңизди жана жумуш орундарын көбөйто аласыз.
PEAK бизнес-консалтинг/ бизнести колдоо боюнча кызмат көрсөтүүлөрдүн жергиликтүү рыногун изилдеп, жогорку квалификациялуу бизнес- кеңешчилердин маалымат базасын түздү.
Бизнес-кеңешчилердин талаптарга ылайык келүүсү кардарлардын канааттануу деңгээлин баалоо аркылуу сыналган.
Сиз бизнесиңизге ылайыктуу кеңешчи табыш үчүн, биз эки жолду сунуштайбыз:
1) Сиз издөө системасында ачылып жаткан тизмелерден тийиштүү саптарды тандап, издөө натыйжасында тандалган кеңешчилердин профилдерин көрсөңүз болот же болбосо
2) Сиз бүткүл базадагы кеңешчилердин профилдерин, анын ичинде портфолиолор жана байланыш маалыматты, көрсөңүз болот.
Көңүл буруңуз, кээ бир бизнес-кеңешчилер PEAK тарабынан берилген «Ассоциацияланган консультант-генералист» деп аталган сертификатка ээ. Бул сертификат кеңешчи бизнестин негизги аспекттери, диагностикалык куралдар жана консультация берүү этикасы боюнча билимге ээ экендигин тастыктайт. Сертификатка ээ болушу жөнүндө маалыматты кеңешчинин профилинде таба аласыздар.
