Сакишев Талантбек Тургунбекович, Менеджмент боюнча Сертификатталган Консультант (CMC), Чакан жана Орто Бизнести (ЧОБ) өнүктүрүү үчүн ЕРӨБдө алкагында Аккредитацияланган Консультант. Учурда ал Experts of Central Asia (ECA) консалтинг компаниясынын Директору.

Чакан жана орто бизнести өнүктүрүү, стратегиялык пландаштыруу, маркетинг, SMM (Социалдык Медиа Маркетинг) чөйрөсүндө, комплекстүү баалоо / диагностика жүргүзүү, ошондой эле жеке компаниялардын, өкмөттүк эмес уюмдардын жана мамлекеттик органдардын адамдык жана институционалдык потенциалын жогорулатуу жана башкаруу консалтинг чөйрөсүндө көп жылдык (20 жылга жакын) тажрыйбасы бар. 

Эксперттик топтордун лидери жана жеке консультант катары ал стратегиялык пландарды жана коммуникациялык стратегияларды иштеп чыгуу, бизнес-процесстерлерди талдоо жүргүзүү жана функционалдык талдоо, заманбап HRM тутумдарын ар кандай уюмдарга киргизүү боюнча долбоорлорду ийгиликтүү ишке ашырды.

2004-жылдан бери Талантбек чакан жана орто бизнеске атаандаштык рынокторунда ийгиликке жетишүү үчүн натыйжалуу бизнес стратегияларын иштеп чыгууга көмөктөшөт. Ал Борбор Азиянын ар кайсы булуң-бурчтарында (Кыргызстан, Казакстан жана Тажикстан) жайгашкан 100дөн ашык чакан жана орто ишканалар үчүн маркетинг жана менеджмент боюнча тренингдерди өткөрдү. Сүт азыктарын кайра иштетүү жана өндүрүү, ширелерди жана джем өндүрүү, кийим тигүү өнөр жайы, ресторан бизнеси, чекене жана дүң соода, туризм, унаа тейлөө станциялары ж.б. сыяктуу экономиканын тармактарында иштеген чакан жана орто ишканалар үчүн консультация берилди.

Кыргыз Республикасынын Президентине караштуу Башкаруу Академиясынын МВА даражасына ээ (1994). 2004-2005-жж. Мичиган мамлекеттик университетинин (Ист Лансинг, АКШ) бир жылдык Хуберт Хафри стипендия программасын бүтүргөн. Ошондой эле ал Канада, Түркия, Индия, Түштүк Корея, Малайзия, Япония жана Казакстан сыяктуу өлкөлөрдө ар кандай стажировкадан өтүү программаларын аяктаган.