27-январда PEAK Bishkek бизнес-инновацияларды өнүктүрүү борборунда технологиялык стартаптар үчүн биринчи акселерациялык программа ишке киргизилди. “Бардык катышуучулардын күчтүү болгонуна карабастан, татаал тандоонун натыйжасында биринчи топко 12 компания кирди. Биз катышуучуларга 12-жумалык программаны натыйжалуу өтүшүнө ийгилик каалайбыз. Аларга устатчылык, консультациялар, окутуулар жана ишкердигин өнүктүрүү учурда кездешип жаткан маселерди чечүүгө жардам сунушталат”, – деп PEAK Bishkek борборунун жетекчиси Искендер Шаршеев белгиледи. PEAK Bishkek акселерациялык программасы стартаптарга продукттарды иштеп чыгууга жана атаандаштык ишкананы курууга жардам берет. Акселерациялык программа биздин америкалык өнөктөш “Venture Hive” менен кызматташуу аркылуу
ишке ашырылат.